Ab ke Baras Eid ke Din – Nazm by Khansaa Gull

The Beam Magazine presents a Nazm – ‘Ab ke Baras Eid ke Din‘ by Khansaa Gull. A special gift by the poetess and The Beam Magazine on the occasion of Eid-ul-Fitr.

اب کے برس عید کے دن 

ساری خوشیاں خود ہی

منا نہ لینا

کچھ خوشیاں 

بانٹ بھی دینا

کسی غریب کے بچوں میں

ان معصوم بچوں کے چہرے 

جب مسکرائیں

تو تمہاری عید کو

مزید نکھاریں گے

اب کے برس عید کے دن 

سوتے ہی نہ رہ جانا

بن سنور کے 

عید کے دن تم

آئینے کے سامنے 

کھڑے ہو جانا

اس طرح سے

تم کو خود میں

میرا عکس نظر آئے گا 

اس طرح سے

 عید کا دن تم کو

میری یاد دِلائے گا 

اب کے برس عید کے دن

تم روٹھے ہوئے 

عزیزوں کو

اک فون کال 

ملا لینا

یا ان کے گھر چلے جانا

اور

عید مبارک 

کہ کر تم

ان کو گلے لگا لینا

شکوے سارے مٹا دینا

اب کے برس

 عید کا دن تم

کچھ اس طرح سے

 منا لینا

 خنساء گلؔ

For more Urdu poetry available on The Beam Magazine, CLICK HERE.

Copyright protected by Digiprove © 2019